Ingredients

Kjúklingur, heill 1
Hvítlaukur 1,5 stk
Smjör 3 msk
Salt 4 msk
Timian (Thyme)
Vatn 2 dl
Matreiðslurjómi 2 dl
Laukur 1/2 stk
Sveppir 5 stk
Anís fræ 1/2 tsk
Piparkorn, svört 1 tsk
Ólífuolía 4 msk
Chilli pipar, þurrkaður 1/2 stk

Instructions

Hvítlauks kjúlli, eftir Valberg Lárusson

Steikið kjúklinginn báðu megin á pönnu á fullum hita með 2
msk af ólífuolíu. Kjúklingurinn á að verða ljósbrúnn sem
þýðir um 5-10 mínútna steikingu.

Setjið síðan kjúklinginn í skúffu eða eldfast mót og hitið
ofninn í 200°C. Nuddið salti í húð kjúklingsins og stráið yfir
hann Thyme. Merjið hvítlaukinn vel og bætið í hann smjörinu
og nokkru af Thyme. Fyllið kjúklinginn með hvítlauks
blönduni. Bætið vatni í fatið þannig að það sé um 0,5cm djúpt
og smellið svo kjúllanum í ofninn. Kjúklingurinn þarf 45
mínútur til klukkutíma og munið að hella yfir hann örlitlu vatni
reglulega þannig að húðin þorni ekki upp. Best er að taka
vatnið úr soðinu ef hægt er.

Svissið laukinn í sósupotti á meðal hita með 2 msk af
ólífuolíu. Bætið við sveppunum, niðurskornum og stráið yfir
þetta Anís fræunum. Gætið þess að laukurinn verði ekki
brúnn á meðan verið er að mýkja sveppina. Þegar sveppirnir
eru orðnir mjúkir hellið þá rjómanum yfir og lækkið hitann
örlítið. Bætið við svörtu piparkornunum og myljið þurrkaða
chilli piparinn útí sósuna. Bætið einnig teskeið af salti í
sósuna og leyfið henni að hitna vel. Hægt er að þykkja sósuna
með því að hræra saman örlitlu maíismjöli og rjóma þar til
það verður það leðju og hella því svo útí sósuna. Gætið þess
að setja samt ekki meira en 1-2 tsk af mjöli útí. Rétt áður en
kjúklingurinn er tilbúinn er soðinu af honum bætt í sósuna og
hrært vel saman við.

Berið síðan fram með fersku grænmetissalati eða frönskum
kartöflum.

poultry